Балалар әлемі » Ертегілер » Шатасу (Корней Чуковский)
Шатасу (Корней Чуковский)
Шатасу (Корней Чуковский)
Мысықтар айтты түңіліп:«Жалықтырды мяулау!
Торайлардай біз де енді,
Жүрейік бір қорсылдап!»
Ал үйректер айтады:
«Біз де бақа секілді,
Ән саламыз не түрлі!»
Шошқа айтады: Мяу, мяу!
Мысық айтты: Хрю, хрю, хрю!
Үйрек айтты: Ква, ква, ква!
Тауық айтты: Кря, кря, кря!
Торғай айтты: Му-у-у!
Аю айтты: Ку-ка-ре-ку!
Көкек келді секіріп:
Ит болуға бекініп:
Гав, гав, гав!
Қоян ғана саспады,
Секірмеді, қашпады.
«Өздеріңше сөйлеңдер,
Қайтесіңдер басқаны?
Мен айтпаймын өтірік,
Құр бекерге көпіріп.
Шатастырып барлығын,
Қалмаңыздар өкініп».
Қаздар айтты: Га-га-га!
Мысық айтты: Мур-мур-мур!
Құстар айтты: Чик-чирик!
Жылқы айтты: И-и-и!
Шыбын айтты: Ж-ж-ж!
Бақа айтты: Ква-ква-ква!
Үйрек айтты: Кря-кря-кря!
Торай айтты: Хрю-хрю-хрю!
Орманда аю,
Баю-баю!
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.