Балалар әлемі » Мақал-мәтелдер » ЖЫЛ МЕЗГІЛДЕРІ, ТАБИҒАТ ҚҰБЫЛЫСТАРЫ ТУРАЛЫ
ЖЫЛ МЕЗГІЛДЕРІ, ТАБИҒАТ ҚҰБЫЛЫСТАРЫ ТУРАЛЫ
ЖЫЛ МЕЗГІЛДЕРІ, ТАБИҒАТ ҚҰБЫЛЫСТАРЫ ТУРАЛЫ
Жазғытұрымғы жел жардай атанды жығар.
***
Жаздың бір күні, қыстың мың күні.
***
Нөсер алдында найзағай ойнайды.
***
Жаңбыр бір жауса,
Терек екі жуады.
***
Күркіреген бұлттың жаңбыры аз.
***
Таулы жер бұлақсыз болмас,
Сулы жер құрақсыз болмас.
***
Туған ай, тураған етпен тең.
***
Қаз келсе, жаз келер,
Қарға келсе, қатқақ келер.
***
Су аққан жерінен айнымас.
***
Сәуір болмай, тәуір болмас.
***
Үркерлі айдың бәрі қыс.
***
Қыстың көзі қырау.
***
Шағала келмей жаз болмас.
Шаңқан келмей, боз болмас.
***
Жел түбі азық, жекен түбі қазық.
***
Сәуір болса, күн күркірер,
Күн күркіресе, көп дүркірер.
***
Мәуесі бардың әуесі бар.
***
Қараша қауыс, кәрі-құртанды тауыс.
***
Әрнәрсе уақытымен қызықты.
***
Тауына қарай тоғайы,
Шошқасына қарай торайы.
***
Су басынан буылады.
***
Тау кезеңсіз болмас,
Өлке өзенсіз болмас.
***
Көлдің көркі құрақ,
Таудың көркі бұлақ.
***
Жаз сайға қонба,
Қыс қырға қонба.
***
Сүмбіле туса су суыр.
***
От арық, су семіз.
***
Жаңа айдан жақсылық.
***
Тоқты тоймас,
Шөміш кеппес.
***
Алпыс күн тасыған су,
Алты күнде қайтар.
***
Таң атпайын десе,
Күн қоймайды.
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.