Сайт мәзірі
» » ТӘЛІМ, ТАҒЛЫМ, ТӘРБИЕ ТУРАЛЫ

ТӘЛІМ, ТАҒЛЫМ, ТӘРБИЕ ТУРАЛЫ

ТӘЛІМ, ТАҒЛЫМ, ТӘРБИЕ ТУРАЛЫ

Ұяда не көрсең ұшқанда соны ілерсің.
***
«Әй», дейтін әже жоқ,
«Қой», дейтін қожа жоқ.
***
Тең-теңімен, тезек қабымен.
***
Қызым, саған айтам,
Келінім, сен тыңда.
***
Тауда туған баланың, 
Екі көзі таста болар. 
Ашаршылықта туған баланың,
Екі көзі аста болар.
***
Атаңа не қылсаң, 
Алдыңа сол келер.
***
Атасын сыйлаған абыройға бөленер.
***
Алдыңғы арба қайдан жүрсе,
Соңғы арба содан жүрер.
***
Атасы мылтық атқанның баласы оқ жонар.
*** 
Сүт — сүйек өсіреді.
***
Ағайынға қарап бала өсер, 
Қарағайға қарап тал өсер.
***
Тасты бассаң кетілер, 
Шымды бассаң жетілер.
***
Тісі шыққан балаға,
Шайнап берген ас болмас.
* * *
Орман аралаған үйші болар, 
Ел аралаған сыншы болар.
***
Жорғаның тері кеппес,
Еркенің көз жасы кеппес.
***
Сұрай-сұрай Мекке барады.
*** 
Жығылсаң нардан жығыл. 
***
Асқанға аспан да аласа.
***
Төрде орын барда есікте отырма. 
***
Бүгінгінің ертеңі бар.
***
Алуан-алуан жүйрік бар,
Әліне қарап шабады.
***
Батар күннің атары бар.
***
Білім таппай мақтанба,
Өнер таппай баптанба. 
***
Барға қанағат ет.
***
Күш – білімде. 
***
Көкке бір кісі ұшады,
Етегіне мың кісі сыяды. 
***
Әркімнің шыққан тауы биік. 
***
Құс жеткен жеріне қонады.
***
Мың асауға бір тосу. 
***
Алғыға қарап пікір ет,
Артқыға қарап шүкір ет.
***
Жүрген аяққа жүргем ілінеді.
***
Көрмегенге көсеу таң.
***
Саңырауға сәлем берсең, 
«Атаңның басы» дейді.
***
Көзі соқырдан қорықпа,
Көңілі соқырдан қорық. 
***
Көп біл, аз сөйле. 
***
Ақпа құлаққа айтсаң, ағып кетер,
Құйма құлаққа айтсаң, құйып алар.
***
Тентек — жұртқа теріс, өзіне дұрыс.
Ақыл — ауыздан, мерей — сөзден.
***
Көргенді көнеден сұра,
Көне білмесе, көп жүргеннен сұра.
***
Ұлы сөзде ұят жоқ. 
***
Жақсы лебіз, жарым ырыс.
***
Ағаш кессең ұзын кес, 
Қысқартуы оңай. 
Темір кессең қысқа кес,
Ұзартуы оңай.
***
Сөзің тәтті болсын,
Ашуың қатты болсын.
***
Киім пішсең кең піш,
Тарылтуың оңай.
***
Білім — бұлақ. 
***
Ескіге жаңа — өлшеуіш.

Тегтер:
Қосты: Kz_ref_Mara
|
Автор: автор көрсетілмеген
|
Бөлім: Мақал-мәтелдер
|
Көрсетілімі: 24 687
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.