Сайт мәзірі
» » ҚЫРАҒЫЛЫҚ ПЕН САҚТЫҚ ТУРАЛЫ

ҚЫРАҒЫЛЫҚ ПЕН САҚТЫҚ ТУРАЛЫ

ҚЫРАҒЫЛЫҚ ПЕН САҚТЫҚ ТУРАЛЫ

 

Батыр бір өледі,

Қорқақ мың өледі.

***

Қазанның күйесі жұғады,

Ақымақтың бәлесі жұғады.

***

Жау жағадан алғанда, бөрі етіктен.

***

Сезікті секемшіл.

***

Етікшіге жолама - бізі тиер көзіңе, сөзі тиер өзіңе.

***

Ақырын жүрсең — малаяқ,

Қатты жүрсең - қу аяқ.

***

Айла алтау, ақыл жетеу.

***

Жыланның уы басында болады,

Бейғамның жауы қасында болады.

***

Сақтықта қорлық жоқ.

***

Алдыңа бір қарасаң, артыңа бес қара.

***

Сол көзіңе, оң көзің қарауыл босын.

***

Саяқ жүрсең сақтан.

***

Кезенген жаудың кезінен сақтан,

Сойқандының сөзінен сақтан.

***

Аузы күйген үріп ішеді.

***

Жаман айтпай жақсы жоқ.

***

Қауіп қайдан болса қатер содан.

***

Сауысқаннан сақ бол.

***

Қарап жатқан жыланның құйрығын баспа.

***

Күле кіріп, күңірене шықаннан сақтан.

***

Аузың толған қан болса да,

Дұшпанның алдына төкпе.

***

Бәледен машайық қашқан.

***

Шөлмек мың күн сынбайды,

Бір күн сынады.

***

Жазым болса, быламыққа тіс сынар.

***

Аспанға қарай оқ атпа,

Өзіңнің түсер басыңа.

***

Ел жаусыз болмас,

Жер таусыз болмас.

***

Ежелгі жауда елдік жоқ.

***

Жау қайда деме, жар астында,

Бөрі қайда деме, бөрік астында.

***

Жау құтырса, шаңырағыңа қобыз тартар.

***

Дұшпан күле кіріп,

Күңірене шығар.

***

Дұшпан көзі төртеу.

***

Қастағы сояу көзді аңдиды.

***

Кек түбі — ойран.

***

Жер астынан жік шықты,

Екі құлағы тік шықты.

***

Жыланның өзі өлсе де,

Құйрығы өлмейді.

***

Көп жорытқан жылан, аяғын көрсетер.

***

Көп жорытқан ит, күшәлаға жолығады.

***

Ажалды қарға бүркітпен ойнайды.

***

Алыстағы жаудан, аяқ астындағы дұшпан жаман.

***

Алысқан жауға арқанды көрсетпе.

***

Күрілдеп келген жаудан,

Күлімдеп келген жау жаман.

***

Жауды аяған жаралы.

***

Үйреніскен жау атыспаққа жақсы.

***

Ұйқы өліммен тең.

***

Өтірік деген дұшпан бар,

Отқа сүйреп салады.

***

Мың жаудан бір жансыз жаман.

***

Сырын білмеген аттың сыртынан жүрме.

***

Ақылсыз достан мың сақтан,

Ақылсыз дұшпаннан жүз сақтан.

***

Ордалы жыланмен ойнама.

***

Бір елі ауызға, екі елі қақпақ.

***

Досы көппен сыйлас,

Досы азбен сырлас.

***

Жалғаймын деп үзіп алма,

Түзеймін деп бұзып алма.

***

Аңдамай сөйлеген ауырмай өледі.

Тегтер:
Қосты: Kz_ref_Mara
|
Автор: автор көрсетілмеген
|
Бөлім: Мақал-мәтелдер
|
Көрсетілімі: 7 322
Түсініктеме қосу
Ақпарат
Қонақтар тобында тұрған келушілер, осы жарияланымға түсініктеме қалдыра алмайды.